وكان المعنى يدور حول لقب الهيلا ومادار حوله من حديث مؤخرا هل اللقب لعتيبه او لقبيلة غامد
وليس كما يقول الاخ شمروخ بن عايد أن المعنى في دخول شعراء العرضه للشعر القلطه وهو فن ليس فنهم
الزلامي دخل المعنى بطريقه رائعه ومع شاعر من الجنوب وقريب لقبيلة غامد
ولكن عبدالواحد لم يريد الدخول للمعنى وحاول أن لايدخل في أمور لاناقة له فيها ولاجمل ولم يبدي جهة نظره فالموضوع ومن صاحب الحق باستثناء بعض الأبيات المسالمه مثل رد ربعك وأرد جيراني وأنها ألقاب أجداد ليست مسوؤل عن حمايتها يارشيد الزلامي
الزلامي
ياجماعة وين عبدالواحد الزهراني= ودي آخذ لي معه طاروق واحد واسري
انت جار الغامدي والغامدي قوماني= لابس(ن) له ثوب ماهو له واظنك تدري
عبدالواحد
ياسلامي للزلامي شاعر العتباني= ليش تسري ياطويل العمر باقي بدري
عن خفايا القوم وش دراك وش دراني= وانت ثابت في محلك والليالي تجري
الزلامي
الله انه لايؤاخذني بقول لساني= ودي امزح معك ولا غايتي في صدري
الخطا ماهو خطاك انته وبن حوقاني= غير جارك ليش جاء من هضبته من حدري
عبدالواحد
قبل ماتمزح معي وسوس لك الشيطاني = اولتها مزح لكن آخرتها غدري
رد جيرانك ونا بخدمك في جيراني= ان دخلنا في نفق ولا طلعنا كبري
الزلامي
سامحك ربي ترى ماني بغش اخواني= بس اشب النار لين انه يفوح القدري
والحرامي ليش ينهب مذخرة جداني = مادرى انه سلعة(ن) فيها نبيع ونشري
عبدالواحد
منت غشاش انت تاجر يقلب الميزاني= مادري ليش تلبس الشامي ثياب المصري
سلعة اجداد مشاعل واحد(ن) والثاني= ما انت مآخذ في حمايتها مرتب شهري
الزلامي
انشد المطران وانشد ربعنا قحطاني= قول وش فرق الحرار من الطوير الوكري
ذاك راعي ظلع ماجيته وهو ماجاني= غير اظن الله يجيبه في نهار الحشري
عبدالواحد
واعذاب القلب من تاريخك الروماني= لاهو بتاريخ ميلادي ولاهو هجري
لوتقولوا يالا لا له قلت داني داني= نلعب المنكوس وانتم تلعبون الحدري
الزلامي
واعذاب القلب من تاريخك العلماني= كان ماتدري بتاريخي عس[/color]اك الجدري[/size]
